Бар асари ҳамлаи густурдаи Русия ба Украина дар субҳи 7 июн, се нафар дар шаҳри Харков ва як зану шавҳар дар Херсон, ба ҳалокат расиданд.
Русия дар ин ҳамла аз мушакҳо ва ҳавопаймоҳои бесарнишин, истифода кардааст.
Игор Терехов, шаҳрдори Харков гуфт, ки ин шаҳр бо 48 паҳбоди сохти Эрон, ду мушак ва чаҳор бомбаи ҳидоятшуда, мавриди ҳамла қарор гирифт. Харков 1,4 миллион аҳолӣ дорад ва дар 50-километрии марзи Русия дар шимол-шарқи Украина ҷойгир аст.
Терехов гуфт, ки дар ҳамлаҳои Русия ҳамчуни 17 нафар захмӣ шуданд.
Ба гуфтаи вай, як зан аз зери вайронаҳои як бинои баландошёна зинда берун оварда шуд.
Ҳокими минтақаи Харков Олег Синегубов гуфт, ду кӯдак ҳам дар ин ҳамла захмӣ шудаанд.